Түркісіб ауданында 50 орындық «Лесная сказка» бала-бақшасы ашылды
Түрксіб ауданында 50 орындық мемлекеттік тапсырыспен құрылған «Лесная сказка» жекеменшік бала-бақшасының ашылу салтанаты болды.
Бұндай бала-бақшаның ашылудағы негізгі мақсаты аудандағы бала-бақшаның жетіспеушілігін төмендету.
«Лесная сказка» бала-бақшасы өз уақытында жекеменшікке берілген және басқаша жабдықталған ведомствалық үлгісіндегі бала-бақшалардың бірі.
Бекітілген санитарлық ережеге сәйкес 5 уақыттық тамақ, медициналық құралдармен жабдықталған кабинет, ойын және ұйықтайтын бөлмелер,оқу сыныптары, балалар алаңы ұйымдастырылған.
Осы жыл ішінде аудан аумағында 384 бала үшін 353 орындық 9 аралас жекеменшік («Балапан» бағдарламасымен) бала-бақша ашылды.
Ауданда 1 349 баланы қамтитын мемлекеттік тапсырыстағы жалпы 21 жекеменшік 1 041 орындық бала-бақшалар жұмыс істейді.
