Бүгін №97 бөбекжай-балабақшасында наурыз мерекесі аталып өтілді.

АЛМАТЫ. 31 наурыз. БӨБЕКЖАЙ-АҚПАРАТ/Құсбекова Әлия/ - бүгін Алматы қаласының білім басқармасына қарасты №97 бөбекжай-балабақшасында наурыз мерекесі аталып өтілді. Ата – бабамыздан қалған асыл дәстүрімізді өскелең ұрпақтың қанына сіңіру қазақ жұртшылығының қашаннан бергі ұлы парызына айналған. Көктемнің күлкісімен бірге келетін мерекемізде балабақшадағы әрбір бүлдіршін ұлттық киімді киіп би билесе, бірі ән шырқап, бар өнерлерін ортаға салды. Ата – әжесінен аманат боп қалған өнегеге толы тақпақтарын айтып, айналасына асқақ, ақылды көзбен қарауға талпынды. Абай атамыздың балаға мінез үш алуан адамнан жұғады, соның бірі – ұстазынан демекші, балалардың өнеріне тамсанған тәрбиешілерінің еңбегі аса зор. Балабақшадағы Наурыз мерекесі осылайша өте көңілді өтті. Балғын бүлдіршіндеріміздің жүзінен әрдайым қуаныш күлкісі кетпесін.